Transcription
1
Monsieur, j’ay repceu la votre par ce porteur le XIe du présent au soyr et rendz grâces
2
à Nostre Seigneur de la continuation de votre santé et de madame de Gordes
3
et de la volonté qu’avés tousiours de venir en ces quartyers, si est-ce que
4
je suiys bien de vostre advist que ne vous mettyés en chemin que le temps
5
ne soyt abdosci car je vous puis assurer qu’il est bien assé en ce païs
6
et une si grand sécheresse de telle façon que lez bledz ne sont
7
encore sortis. Je prye Nostre Seigneur nous doint ce que nous est nécessaire
8
et se encharsist de jour à aultre. Il est au marché à Apt à
9
XVI livres et huict soubz la charge. Je n’en ay encores point vendu, n’est
10
point pour faulte de marchandz, mais je suis résolue n’en vendre
11
point jusques à Pasques, mesmes que les povres gens n’en demandent
12
point. J’estoys quand ce porteur est arrivé sus le point envoyer
13
une despaivhe à ma fille, madame vicaire de Ste-Claire d’Avignon pour la
14
mettre entre les mains du secrétaire de monseigneur le cardinal
15
d’Armegnac, duquel j’avoys repceu la vostre du XXVIII du passé et
16
par icelles toutes deux entendu la peyne en quoy vous estes à vous faire
17
creues et n’est pas pour luy faire perdre son humeur mélancollique,
18
laquelle le suffoque fort, de quoy je suis en peyne ; comme luy je prye
19
à Nostre Seigneur de bien bon cœur par son infinies bonté volloyr
20
conduyre le tout à son honneur et gloyre. Et en cest endroit, je
21
me recommande de fort bon cœur à vostre bonne grâce et à celle de
22
madame de Gordes, à la quelle je n’escris pour le présent, l’ayent
23
advertye bien au long par ci devant des novelles de voz enfens,
24
lesquelz sont, Dieu grâces, en bonne santé, auquel je prye que vous
25
doint sa grâce acompaignée de longue et contente vye.
26
De Gargas, le VIII décembre 1572
27
Vostre mère, Pierre de Pontevès
28
Ce porteur m’a dict qu’il avoyt huict soubz de la grand croix que ne les a peu
29
passer, mès que pour deux liardz la pièce et ne m’aviez rendu
30
je luy ay bailhé vingt soubz.
31
[v] Je ne escrys à La Roche car je luy ay escrye par
32
sy devant byen vous prye ne me menés gans
33
séans que ne vyenent comme le pasés et les miennes
34
ne me faut doner aucasyon de me faché. Je çay
35
se que je n’y puys porté, Dyeu an soyt loé sy se veut
36
remesre, je l’oblyeray pour le passé ; touchant
37
la fère vous ne devés puls eyfère ains y doner
38
l’ordre que connésiés car vous avés usés
39
à ses eyfères ne vous y a mises puls. Je vous mande
40
le rôle de se que vous est dû et je peux avoyr XV ho XVI
41
sans escus et III sans charges de blé à vandre.
42
Je prye Dyeu vous tenyr an sa seynte garde é
43
potesyon. De gargas le XII de désambre. Je ay fet
44
Se que je ay pu de fère dépéché se porteur.